पुडासैनीकाे बारे माउन्टेन टिभिकै पत्रकारले गरे खुलासा, यसो भनेर निस्केका रहेछन्

प्रकाशित मिति : आइतवार, भदौ १, २०७६

काठमाडौं : पत्रकार शालिकराम पुडासैनी टेलिभिजनकाे मिसन न्युजकाे लागि निस्किएकाे माउन्टेन टिभिकै पत्रकारले खुलासा गरेका छन् । उनि यहाँ त्यहा जान्छु भनेर नभनेकाे समेत जानकारी दिए । हाल अाएर पत्रकार शालिकराम पुडासैनीको प्रकरणमा दुइथरी प्रदर्शन भएको छ । अनुसन्धानका लागि सञ्चारकर्मी रवि लामिछानेसहित तीन जनालाई पक्राउ गरेपछि अवस्था तनावपूर्ण भएको हो ।

काठमाडौंबाट रविलाई पक्राउ गरेर चितवन लगेलगत्तै उनको समर्थनमा प्रदर्शन भएको थियो । प्रदर्शनले उग्ररुप लिएपछि शुक्रबार साँझ प्रहरी र प्रदर्शनकारीबीच झडप समेत भयो । घटनामा एक जना असईसहित सात जना प्रहरी घाइते भएको भएका थिए । चार जनाको खुट्टा र तीन जनाको हातमा चोट लागेको थियाे । शुक्रबारसम्म एकपक्षिय प्रदर्शन भए पनि शनिबार भने पुडासैनीले न्याय पाउनुपर्ने भन्दै अर्को समूहले समेत प्रदर्शन गरेको थियो । उनीहरुलाई न्युज २४ को कार्यालयबाट पक्राउ गरिएको हो । साथै प्रहरीले कलंकीबाट नर्स अस्मिता कार्कीलाई पनि पक्राउ गरेको छ ।

जिल्ला प्रहरी कार्यालय चितवन र काठमाडौं प्रहरी परिसरको टोलीले बिहीबार साँझ पक्राउ गरेको काठमाडौं प्रहरी परिसरका प्रमुख एसएसपी उत्तमराज सुवेदीले बताए ।

उनीहरुलाई आत्महत्यामा दुरुत्साहन गरेको अभियोगमा अनुसन्धानका लागि नियन्त्रणमा लिएको प्रहरीले जनाएको छ ।

चितवनको कंगारू होटलमा मृत भेटिएका पूर्वसहकर्मी पुडासैनीले मृत्युपूर्व बोलेको भिडियो नेपाल आजमा सार्वजनिक भएको भोलिपल्टै प्रहरीले रवि लामिछाने लगायतलाई गिरफ्तार गरेको हो ।

गत साउन २२ मा चितवनको नारायणगढ, बसपार्कमा रहेको कंगारु होटलमा पुडासैनी झुण्डिएको अवस्थामा भेटिएका थिए । आत्महत्या गर्नुपूर्व पुडासैनीले मोबाइलमा रेकर्ड गराएको भिडियोमा रवि लामिछानेले आफूलाई आत्महत्या गर्न बाध्य बनाएको आरोप लगाएका थिए ।

पुडासैनीको सोही भिडियो वयानका आधारमा प्रहरीले न्युज २४ टेलिभिजनमा सीधा कुरा जनतासँग कार्यक्रम सञ्चालक रवि लामिछाने र सोही कार्यक्रममा कार्यरत युवराज कँडेललाई समातेको हो । लामिछाने, कँडेल र कार्की आत्महत्यालाई दुरुत्साहन गरेको आरोपमा पक्राउ परेका हुन् ।

साउन २२ गते दिउँसो ३ः३० बजे होटलको २०२ नम्बर कोठामा गएका उनलाई होटलवालाले राति खाना खान बोलाउँदा चुकुल नखोलेपछि प्रहरी बोलाएर ढोका खोल्दा उनी मृत भेटिएका थिए ।

रवि लामिछानेलाई पक्राउ गर्नुअघि प्रहरीले पुडासैनीको भिडियो प्रहरी प्रधान कार्यालयमा मगाएर परीक्षण समेत गरि सकिएकाे छ ।