शान्ता गौतमकाे वालकथा संग्रह ‘पानी र जमीन’ विमाेचन

प्रकाशित मिति : शुक्रबार, भदौ १३, २०७६

पाँचथर : कवी तथा गीतकार शान्ता गौतमकाे वालकथा संग्रह ‘पानी र जमीन’ विमाेचन भएकाे थियाे । सातौं ऐतराज केरुङ गजल पुरस्कार समाराेहमा उक्त कृति विमाेचन भएकाे हाे । साेही समाराेहमा ऐतराज केरुङ गजल पुरस्कारद्वारा कवि तथा गजलकार प्रेम ओझा पुरस्कृत भएका थिए ।

शुक्रबार फिदिम स्थित उधोगवाणिज्य संघको सभाहलमा सम्पन्न कार्यक्रमविच प्रमुख अतिथि पुष्प अधिकारी अञ्जली लगायतले कृतिकाे विमाेचन साथै पुरस्कार वितरण गरेका थिए । पाँचथर गजल मञ्चले वार्षिक रुपले वितरण गर्दै आएको गजल पुरस्कार पाँचथर गजल मञ्चका संस्थापक अध्यक्ष मधुराज केरुङ, लेखक सागर केरुङ,श्रीमती बिष्णुमाया आङ्देम्बे,छोराहरु बिमल,बीरबल,सागर,मधु,र छोरीहरु निर्मला,गंगा,रोनि लगायत स–परिवारले आफ्ना दिवांगत पिताको स्मृतिमा उक्त पुरस्कारको स्थापना गरेका हुन् ।

पुरस्कारको राशि सम्मान–पत्र सहित पाँच हजार पाँच सय ५५ रुपैंयाँ रहेको छ । उक्त कार्यक्रम संगै १५४ औं मोतीजयन्तीको अवसरमा “नेपाली गजल लेखन हिजो, आज भोली” बिमर्श र शब्द श्रृङ्खला–८ बिशेष गजल वाचन श्रृङ्खला समेत सम्पन्न भएको छ । बहसमा सह-प्राध्यापक लक्ष्मी ढुंगाना,कवि सगुन सुसारा र मधु केरुङ थिए भने राज दिलाञ्जलीले सहजीकरण गरेका थिए । गजल मेहेफिलमा तिर्थकुमारी वाइबा,राधा स्मृति,रेशन त्यागी,गजेन दासी,अनिल त्रीखत्री,नारायण तुम्बापो,गणेस साम्पाङ र बिनोद चौहान रहेका थिए । साथै उक्त समाराेहमा गजलकार धनपति कङ्गालको गजल कृति “कलमको युद्ध” समेत विमोचन भएकाे पाँचथर गजल मञ्चका अध्यक्ष सन्देश सुब्बाले बताए ।