गजल

गंगा गगन राइ प्रकाशित मिति : बुधबार, भदौ १८, २०७६

गजल

चितामा मूर्दा जल्नुपर्ने, फूलहरू जलिरहेछन्
मुनी महासागर छ माथी,पूलहरू जलिरहेछन्

ईश्वर त एउटै हो, संसारमा अनेक बहाना गरी
राम, डोनाल्ट, ईमरान र, अब्दुलहरू जलिरहेछन्

जुन औँलामा बिष लाग्छ, त्यै औँला छिन्नुपर्ने
अचम्म छ यहाँ त, हुलका हुलहरू जलिरहेछन्

नहुँदाको आस, आस्थाको धरोहर मन्दिरभित्र
धुपहरू जल्नुपर्ने खास, त्रिसुलहरू जलिरहेछन्

बाजे बराजुको यूगसँग, जुधेकै हो हाम्रो यूग तर
लाग्छ जीवन जीउने सत्य, कबुलहरू जलिरहेछन् ।

                                                                         गंगा गगन राइ

                                                                      जापान